Na, Ernest Magashi
Mkazi wa Kitongoji cha Bugoma, Kijiji cha Kilombero, Kata ya Lwamgasa, Wilaya ya Geita mkoani Geita, Juma Maya amefariki dunia baada ya kunywa sumu mara baada ya kumuua mke wake, Maria Salvatory.
Kwa mujibu wa taarifa iliyotolewa na Kamanda wa jeshi la Polisi Mkoa wa Geita, SACP Safia Jongo amethibitisha nakueleza kuwa tukio hilo limetokea Novemba 17, 2025 majira ya saa 1:00 asubuhi.
Inadaiwa kuwa Juma Mayala alimuua mkewe kwa kumpiga na kitu butu kichwani na pia kuchoma mwili wake kwa kitu chenye ncha kali sehemu mbalimbali.
Baada ya kufanya mauaji hayo, alikunywa sumu aina ya Synom Crown na kujifungia ndani kwa lengo la kujitoa uhai.
Kamanda Jongo ameeleza kuwa mwanaume huyo alikimbizwa katika Hospitali ya Wilaya ya Geita kwa matibabu, lakini alifariki dunia Novemba 18 majira ya alfajiri.
Chanzo cha tukio hilo kinadaiwa kuwa wivu wa kimapenzi, baada ya mtuhumiwa kumtuhumu mkewe kuwa na mahusiano ya kimapenzi na wanaume wengine.
Jongo alisema Miili ya marehemu wote wawili imefanyiwa uchunguzi na kukabidhiwa kwa ndugu kwa taratibu za mazishi.
Jeshi la Polisi Mkoa wa Geita limewataka wananchi kutatua migogoro ya kifamilia mapema na kushirikisha wazee wa familia, marafiki au vyombo husika ili kuepusha madhara makubwa yanayoweza kuzuilika, badala ya kujichukulia sheria mikononi.
Comments
Post a Comment