RAIS MAGUFULI AACHA NEEMA SHULE YA SEKONDARI RUNZEWE

Rais wa Jamhuri ya Muungano wa Tanzania Mhe. Dkt John Magufuli ameacha neema katika shule ya sekondari Runzewe iliyopo Tarafa ya Siloka Wilaya ya Bukombe mkoani Geita kwa kutoa Tsh milioni 2 ikiwa milioni moja niya Rais Magufuli na  milioni nyinginge alitoa Mama Janet Magufuli ili kuinua Elimu kwa wanafunzi wa shule hiyo.

Akikabidhi fedha hiyo Mkuu wa Wilaya ya Bukombe Said Nkumba baada ya muda mchache Rais Magufuli kutoa fedha hiyo wakati akihutubia wananchi wa Kata ya Uyovu akielekea Wilaya ya Chato mkoani hapa.

Nkumba aliwataka walimu wa shule kutumia fedha hiyo kama ilivyo elekezwa na kwamba wahakikishe wanatumia vyema fedha zote zinazotolewa na serikali kwa maana ya kuinua taaluma ikiwemo kaptesheni ili wanafunzi wa shule hiyo kuanzia  kidato cha kwanza hadi cha sita wanaendelea kufanya vizuri.

Aidha Mbunge wa Jimbo la Bukombe Doto Mashaka Biteko aliwapongeza walimu wa shule hiyo kwa kuendelea na ushirikiano kwa kuwafundisha wanafunzi ambao wanafanya vizuri kila mwaka hasa matokeo ya kidato cha sita.

Biteko aliwaomba walimu kufanya  kazi yao ya kujitolea ili watengeneze kizazi bora chenye maadili katika jamii  itakayokuwa na tija katika ajira na sekta binafisi.

Nae Mwalmu Mkuu wa Shule ya Sekondari Runzewe  Renatus Halili  alimushukuru Rais Magufuli kwa kutambua mchango wa walimu wa warunzewe sekondari na kwamba atahakikisha fedha hiyo inatumika kukarabati vyoo vya wanafunzi kitato cha sita.