DKT. BITEKO AWASILI NCHINI BOTSWANA

 

Na, Mwandishi wete 

Naibu Waziri Mkuu na Waziri wa Nishati, Mhe. Dkt. Doto Biteko anaiwakilisha Serikali ya Tanzania kwenye sherehe za kuapishwa wa Rais Mteule wa Botswana Gideon Duma Boko zitakazofanyika Katika Uwanja wa Taifa wa nchi hiyo leo Novemba 8, 2024. 

Akiwasili katika Uwanja wa ndege wa Gaborone, Dkt. Biteko amepokelewa na Katibu Mkuu wa Vijana, Jinsia, Utamaduni na Michezo, Bridget John, Balozi wa Tanzania Nchini Afrika Kusini, Mhe. James Bwana pamoja na maafisa wengine waandamizi wa Nchi hiyo.

Mhe. Gideon Duma Boko ni Rais wa Sita Botswana kupitia chama cha Umbrella for Democratic Change.

Uchaguzi Mkuu nchini Botswana ulihitimishwa tarehe 30 Oktoba, 2024 ambapo Rais Mteule Gideon Boko aliibuka mshindi katika uchaguzi Mkuu wa nchi hiyo.