MHE. BITEKO AWATAKA MADIWANI KUSHIRIKIANA NA WATALAMU KUSIMAMIA MIRADI

Mbunge wa Jimbo la Bukombe mkoa wa Geita, Doto Mashaka Biteko amewataka madiwani jimboni kwake kushirikiana na watalamu ili kukamilisha miradi ya maendeleo yenye ubora na kwa wakati.

Biteko alitoa wito huo kwenye mradi wa ujezi wa vyumba vya madarasa vinne vya shule ya Igulwa sekondari iliyoanza kujengwa Machi 2018 na ikiwa malengo ni Januari mwaka 2019 shule hiyo ifunguliwe.

Biteko alisema watahakikisha mradi unakamilika ifikapo Januari 2020 ili wanafunzi wa kidato cha kwanza waanze kutumia madarasa hayo.

Aidha Mhandisi wa Ujenzi Wilaya ya Bukombe Dominico Shilingo aliunga mkono wito wa Mbunge na kuongeza kuwa hapa hakuna sababu ya kuchelewa kukamilika kwa mradi huo iwapo madiwani wakitoa ushirikiano kwa watalamu kwa kuhamasisha wananchi nao pia kujitolea nguvu zao.

Nae Mkurugenzi Mtendaji wa Halmashauri ya Wilaya ya Bukombe Dioniz Myinga aliomba wananchi kuendelea kushiriki kwenye miradi ya maendeleo kwa kujitolea nguvu zao kwa kusomba kokoto, maji na mchanga ili kumuunga mkono Mbunge anavyo jitoa kwa hali na mali na pambana kutafuta wadau wa maendeleo wasaidie kwenye miradi Wilayani Bukombe.

Diwani wa Kata ya Igulwa Richard Mabenga alisema mradi huo utakamilika kwa kuwa vifaa vyote vya ujezi vipo na kwamba Mbunge Biteko amechangia kiasi kikubwa kwenye ujenzi huo