RUNZEWE ACADEMY YA CHAPA 6-0 NAMSEGA FC

Mashindano ya ligi ya Doto Cup 2019 yakiendelea kutimua vumbi katika michezo ya Fainali kusaka ubingwa wa tarafa ambapo timu ya Runzewe Academy ya kata ya Uyovu imetwaa ubingwa wa tarafa ya siloka kwa kuilaza mabao 6-0 timu ya Namsega kutoka kata ya Runzewe mashariki.

Mchuano huo wa fainali ulifanyika uwanja wa michezo kata ya Uyovu almarufu uwanja wa mwenge. 

Wafungaji wa magoli ya Runzewe Academy Felix Malango alifunga magoli matano dakika ya 1 na dakika ya 27, dakika ya 49 na dakika ya 50 pia dakika ya 69  goli la sita lilifungwa na Magazi Doto dakika ya 86.

Kocha wa timu ya Runzewe Academy Hobbu Mangire alisema ushindi huo wamepata kwa mpango wa mungu tangu kikosi chake kianze mashindano ya ligi ya Doto Cup 2019 hakijafanya vibaya kwa mashabiki wake na imewahi kuchukuwa makombe ya Doto Cup mwaka  2016 na 2017 wamekosa kombe hilo mwaka 2018 kwani lilichukuliwa na Bukombe Star huku akiwahakikishia mashabiki wake kuwa mwaka huu pia ni zamu ya Runzewe Academy.

Kwa mjibu wa katibu mkuu wa chama cha mpira wa miguu wilaya ya Bukombe (BUFA) Bosco Mwidadi amesema katika mchezo uliokuwa unatimu vumbi uwanja wa Bugelega kutafuta bingwa wa Tarafa ya Bukombe kati ya timu ya Bukombe star na timu ya Chui fc.

Amesema timu ya Chui fc ya Bugelenga imeibuka na ubigwa wa Tarafa ya Bukombe baada ya kuichapa bao 1-0 timu ya Bukombe star mfugaji wa timu ya Chui fc Musa Jemes  dakika ya 61 hadi kipenga cha mwisho timu ya Bukombe star walikuwa hawaja funga.