Naibu Waziri wa Madini Doto Mashaka Biteko amewashukia
wachimbaji wadogo wadogo wa Kata ya Katente Wilaya ya Bukombe Mkoani Geita,akiwataka
kufanya kazi ya uchimbaji wa dhahabu kwa kufanya utafiti akinifu ili wainuke kiuchumi kuanzia ngazi ya familia
hadi taifa kwa kulipa kodi.
Biteko aliyasema hayo wakati akifungua warsha ya siku mbili
ya wachimbaji wadogo wadogo katika ukumbi wa halmashauri ya Wilaya ya Bukombe
ili watambue umuhimu wa utafiti na manufaa watakayo yapata kupitia mradi mkubwa
wa kuchenjua dhahabu unaojengwa maeneo ya Katente.
Alisema serikali imetenga fedha za kigeni Dola 3.7 milioni
sawa na Tsh Bilioni 8.5 za kitanzania kwa ajili ya kufanyia utafiti wa dhahabu
kwa wachimbaji wadogo wadogo Wilayani hapa, ili waachane na uchimbaji wa kubuni
na kutumia waganga wa kienyeji kufanya utafiti kwa kupigiwa ramri huku
wakilazimikia kuhama hama na kusababisha uharibifu wa mazingira kwa kuacha
mashimo na kukata miti.
Mkurugenzi wa jiolojia na utafiti Tanzania Mavuruko Msechu
alisema utafiti wa madini Kata ya Katente ulianza Agost 2016 kutokana na
kubaini kuna dhahabu serikali imetega fedha ambazo zitajenga mradi wa kuchenjua
dhahabu utakao wanufaisha wananchi.
Msechu aliongeza kuwa serikali imetuma watalam ili kufanya
utafiti wakuleta tija kwa wachimbaji wadogo wadogo.
Mwenyekiti wa wachimbaji Madini Mkoa wa Geita Chiristoper
Kadeo alisema wachimbaji awali walikuwa
wakichimba kwa hali duni na tafiti kunyanyika kwa kutumia waganga wa kienyeji
kwa kupitia kuchana kuku ili aoneshe miamba ya dhahabu ilipo.
Kadeo alisema mafunzo haya yatawapa mwanga wakuto tegemea
waganga wa kienyeji katika kuchimba dhahabu kutokana na serikali kuwapa mafunzo
na kuleta watafiti hali hiyo itawafanya kuondokana na tafiti duni.
Katibu wa Chama cha Msingi cha Ushirika kwa wachimbaji wa
dhahabu Katente Paul Mapigi alisema mradi huo wa kuchenjua dhahabu wameupokea
na kwamba utarahisisha uchimbaji na kunusuru wananchi kuendelea kuathiriwa na sumu
ya Zekabi.
Comments
Post a Comment