Silamila Fc yakubali kichapo kutoka kwa Young Boys katika Ligi ya Doto Cup 2017

 Katibu wa Chama Cha Mpira Wilaya ya Bukombe Bw. Bosco Mwidadi akizungumza na wachezaji wa Timu ya Young Boys kutoka Kata Bulangwa na Silamila Fc inayowakilisha Kata ya Butinzya katika viwanja vya Shule ya Sekondari Butinzya katika mchezo wa fainali ya ngazi ya Tarafa ya Ushirombo kwenye michuano ya Ligi ya Doto Cup 2017

 Timu ya Young Boys Fc  iliyopo  Kata ya Bulangwa kwa pamoja wakimsikiliza kocha wao wakati akitoa mbinu za kupata ushindi kabla ya mchezo kuanza. 

 Timu ya Silamila Fc inayowakilisha Kata ya Butinzya wakiwa katika picha ya pamoja kabla mchezo kuanza.

  Kama kawaida yetu mashabiki.

              Timu ya Young Boys Fc  iliyopo  Kata ya Bulangwa Wilayani Bukombe Mkoani Geita jana imejinyakulia  ushindi baada ya kuichapa gori 2-0 Timu ya Silamila Fc inayowakilisha Kata ya Butinzya katika hatua ya fainali ngazi ya Tarafa katika  ligi ya Doto Cup 2017 iliyohitimishwa hapo jana katika uwanja wa Shule ya Sekondari Butinzya.

          Mechi hiyo iliyohudhuliwa na mamia ya mashabiki katika uwanja wa Shule ya Sekondari Butinzya ,Timu ya Young Boys ilichapa gori la kwanza Timu ya Silamila Fc dakika ya 52  kupitia kwa kiungo mshambuliaji Gasper Joseph na gori la pili kupitia kwa Omary Shavi dakika ya 69.

        Hadi dakika tisini ya mchezo huo Timu ya Silamila fc haikupata hata gori la kufutia chozi.

Katibu wa Chama Cha Mpira Wilaya ya Bukombe Bw. Bosco Mwidadi amezipongeza timu zote zilizojitokeza kushiliki ligi hiyo  iliyoandaliwa na Mbunge wa Jimbo la Bukombe Mhe. Doto Mashaka Biteko na kutoa rai kwa mashabiki na wadau wote wa mpira wazidi kujitokeza viwanjani kwani vipaji vya vijana wa Bukombe vinazidi kudhihirika viwanjani.